UNGLINGUM AF ERLENDUM UPPRUNA....

   Er það ekki mjög skiljanlegt. Eiginlega er ég steinhissa á að við skulum nota þessa fyrirsögn. Við vitum öll af þessu, oft hefur verið um rætt um neðanmálssetningu í fréttum, til dæmis, "þess má geta að hann var vesturbæingur"  Rannsóknir sem gerðar eru í til dæmis háskolum, í jafn litlu landi og þetta er, finnst mér bara alls ekki vera marktækar, auðvitað erum við búin að vita þetta lengi, og vandinn er stór, miklu stærri en við segjum hann vera.   Auðvitað líður unglingi ver sem er af erlendum uppruna, en hinum.  Ég var í stórverslun í dag og var í biðröðinni við kassann, þar kom mikill maður um sig, rabbaði smá við drenginn, íslendingur tek ég fram, og vildi maðurinn endilega að hann væri einnig Hafnfirðingur, strákur var eitthvað seinn til svars, svo karlinn ávarpaði hann með þessari setningu  "Ert þú kannske ættlaus maður ha??", mér varð þá hugsað til allra erlendu einstaklinganna, sem ættlausir hér í landi.  Við höfum engan áhuga á ættum annarra manna ef þeir koma erlendis frá, og þá sérstaklega utan Skandinaviu, nema hægt sé að fiska upp eitthvað skjaldarmerki þaðan.  Ekki er nú samt nóg að gagnrýna bara, en ég er einhvern  veginn á þeirri skoðun að íslenskukennslunni sé ábótavant, segi ekki meir um þetta í dag, en hef samt í fórum mínum kennslugögn í þeim efnum, og er ég alveg hissa.  Þá er eins og svo oft ekki nógu mikil fjárveiting til grunnskólanna til þessarar sérkennslu sem Íslenskan er.

Unglingum af erlendum uppruna líður verr

Athugasemdir

[Hannes Heimir Friðbjörnsson, 15.1.2008 kl. 13:59]

Rannsóknir frá litlum löndum eru einmitt þær sem eru hvað marktækastar.

[María Anna P Kristjánsdóttir, 17.1.2008 kl. 12:36]

Ættfræði er eitthvað sem varla þekkist í stórum þjóðfélögum,en þetta er hægt hér á landi vegna fámennis okkar,mér finnst þetta í lagi upp að vissu marki.Hinir ættlausu útlendingar læra að lifa við þetta og gera smá grín af því,það tekur þá smá tíma að skilja þessa áráttu okkar.