KRÁAREIGENDUR LEYFA REYKINGAR Í MÓTMÆLASKYNI.....

   EG ER EKKI HISSA Á ÞVÍ,   þó fyrr hefði verið, miklu fyrr.  En sjálfsagt hefur þetta tekið talsverðan tíma að bræða þetta með sér. Ekki er reykingamönnum bjóðandi að norpa þetta úti á gangstétt með tóbakið sitt, blátt áfram lítilsvirðandi.   Tóbak er til sölu. Tóbak er viðurkennt neysluefni. Tóbak er efni sem einstaklingur velur eða hafnar.  Er það nokkuð flóknara en það?  Sjálfsagt mál, er að hafa aðstöðu fyrir reykingafólk, þeir sem hafna tóbaki eiga rétt á því að vera í reykfríu umhverfi bæði á veitingastöðum og annarsstaðar.

   Þetta eru að verða óttalegar öfgar í tóbaksmálunum. Svo er komið að reykingafólk harðneitar að reykja inni hjá manni, rýkur bara út um víðan vang, allavega pall, og heimtar að reykja þar, dugar lítið að margganga á eftir fólki, hreint út sagt að þrábiðja það um að reykja inni, svo er búið að ala á sektarkenndinni.

   Reykingamenn og konur eru hólfaðir inní bás, sem er annars flokks. Biðja mann afsökunar þegar þeir eru orðnir órólegir, og hörfa flóttalegir í eitthvað afdrep, þar sem hægt er að virkilega að skammast sín, og auka sektarkenndina.  Inni sitja einn eða fleiri einstaklingar sem eru kannski þvílíkt mengunarvandamál vegna afspyrnu erfiðleika í umgengni, leiðinlegir, og skammast sín ekki neitt, langt í frá, sitja sem fastast, og maður óskar þess sem fyrst að þeir eða þau bara byrji að reykja, og það mikið, og það sem fyrst....

   Eru það ekki sjálfsögð mannréttindi að afdrep sé á veitingastöðum fyrir reykingafólk?

   Er það skv. lögum, að senda fólk út í frost, aðeins vegna þess að það notar efni sem er löglegt?

   Ég styð Kormák Geirharðsson, og hans menn......

GJALDÞROT HJÁ SPAUGSTOFUNNI ????????

Er kannske kominnn tími til að skipta út??????     Er kannske kominn annar áhorfendahópur ?????

Er kannske kominn yngri áorfendahópur  ???       Er áhorfendahópurinn ekki 60 ára og eldri ??????

Á kannske spaugstofan að vera á lokaðri rás???

     Mér datt þetta bara svona í hug, meðan ég var að elda stöppu fyrir smáfuglana....................

Kuldabolaárstíð, ´hvíldartíð, útsöluvertíð.

   Það er svo makalaust spennandi þetta veður okkar, alltaf eitthvað nýtt og skemmtilegt. Við vitum ekkert hvernig þetta verður á morgunn til dæmis, og það veit sá sem allt veit að ég er ekki að meina þetta í neinu háði.  Dugnaðurinn alveg makalus í okkur Íslendingum, og hvað við tollum hérna, og stöndum af okkur þessa storma.  Það þarf töluverðan húmor í hjarta til að vera Íslendingur, enda erum við ábyggilega langt frá því að vera húmorslaus.

   Ég fór útúr húsinu í gær, mér fannst ég endilega þurfa að koma við í einni búð, og kom þá í þessa fínu lýsingu, sá allt í einu allt í réttum lit, síðbuxurnar mínar voru alveg hræðilegar, ég sá bara að þetta var alveg vita ónýtt, ekki bara orðið mjög þunnt efnið á stöku stað, heldur var gömul lítið áberandi málningarklessa í sama lit og þvottahúsið mitt er.  Þetta varð til þess að ég fór að hugsa, sem er ekki mjög áberandi í fari mínu, en taldi árin, þau voru ansi mörg síðan ég hafði málað þvottahúsið, og mér ofbauð nýtnin, keypti buxur í snarhasti, þe "var ekki lengi að því", beint í nýju buxurnar, hinar í poka, og verða þær ekki notaðar nema í málningarmaníu.  Hvað það er gott að vera í réttri búð á réttum tíma í réttu ljósi, og allt það......., en þetta var ágætt þar sem ég er ein af þeim sem haldin er útsöluáhuga, ein af þeim sem arka af stað, mjög snögglega til að slæða ýmis svæði. Kaupi til dæmis hluti með þessari aðferð, sem er aldeilis gott fyrir kuldabolann sem á næsta leiti er, og það sem mest er í þessu öllu og best, er AÐ HVÍLA SIG RÆKILEGA Á EFTIR.

SORGLEG FRAMKOMA UNGLIÐA

Hverju eru ungliðar að mótmæla?? Eru þeir að mótmæla þeim foreldrum sem ólu þá upp í þessu annars besta landi heims skv. rannsóknum?  Er ungt fólk að mótmæla þeirri velsæld sem umlukið hefur þessa kynslóð?? Ég verð að segja til viðbótar eru þetta þakkirnar, til foreldranna sem gefið hafa ungu fólki öll þau tækifæri sem þau hafa?  Ég treysti mér til að taka þetta uppí mig af því ég er ekki af kynslóð foreldra krakkanna sem voru í ráðhúsinu í dag, ég gæti mjög vel verið amma þeirra, þannig að persónulega get ég ekki tekið þetta inná mig.   En ég hefði orðið sorgbitin ef ég hefði átt barn þarna eða barnabarn.   En vissulega er pólitíska baráttan einkennileg í borginni núna, mikið verið rætt um nýja meirihlutann, en sjálf verð ég að segja "Að ég hefi töluverða samúð með nýja meirihlutanum, og þá vegna þess hvernig hann kemur inn í stjórn borgarinnar, sem að mínu mati er í góðum málum"   Það er einkennilegt með þjóð sem aldrei hefur verið undir stjórn einræðisherra, skuli bregðast svona við, með byltingarkenndum baráttuaðferðum.  Er það ekki aðferðin til að kalla yfir sig einræði? Er það ekki aðferð sem er kunn, annarsstaðar frá?

Ég hefi ekki hundsvit á pólitík, skil hana mjög ílla, en þar sem við höfum enga glæpamenn í stjórnum okkar, hvorki borgar- né ríkis-, þurfum við þá endilega að búa þá til?? Er þörfin svona gífurleg að hengja einhverja einn eða tvo menn? Eða erum við kannske að hengja bakara fyrir smið?????

KVEÐUR FISHER MEÐ SÖKNUÐI (Orð Sæmundar Pálssonar mbl.18.1 s.l.)

Ég komst eiginlega við þegar talað var við Sæmund Pálsson fyrrverandi lögreglumann og lífvörð Bobby Fishers.  Ég, eins og svo margir, gleypti bókstaflega allt sem um þá var sagt í blöðum, um þessa vini tvo. Dáðist ég eiginlega jafnmikið að þeim báðum, Robert Fisher fyrir snilli sína, og sérvisku, síðan Sæmundi fyrir afburða lagni við snillinginn, fannst mér oft að gera þyrfti þeim báðum jafnt undir höfði.  Samskiptamál eru oft erfið á vinnustöðum, og hefði Sæmundur alveg getað nýtt sér reynslu sína og vitneskju með námsskeiðahaldi, á þeim efnum, en´líklegast verið of hógvær til þess. Það er góður kafli í sögu okkar, kaflinn um Fisher, bæði meðan hann tefldi og lokakaflinn. Ég sá hann ganga í vetrarveðri á Suðurlandsbrautinni í fyrra, fannst mér hann þá vera hálfhrumur, en ég votta Sæmundi samúð mína, en trúi því að Robert Fisher sé nú kominn heim.

UNGLINGUM AF ERLENDUM UPPRUNA....

   Er það ekki mjög skiljanlegt. Eiginlega er ég steinhissa á að við skulum nota þessa fyrirsögn. Við vitum öll af þessu, oft hefur verið um rætt um neðanmálssetningu í fréttum, til dæmis, "þess má geta að hann var vesturbæingur"  Rannsóknir sem gerðar eru í til dæmis háskolum, í jafn litlu landi og þetta er, finnst mér bara alls ekki vera marktækar, auðvitað erum við búin að vita þetta lengi, og vandinn er stór, miklu stærri en við segjum hann vera.   Auðvitað líður unglingi ver sem er af erlendum uppruna, en hinum.  Ég var í stórverslun í dag og var í biðröðinni við kassann, þar kom mikill maður um sig, rabbaði smá við drenginn, íslendingur tek ég fram, og vildi maðurinn endilega að hann væri einnig Hafnfirðingur, strákur var eitthvað seinn til svars, svo karlinn ávarpaði hann með þessari setningu  "Ert þú kannske ættlaus maður ha??", mér varð þá hugsað til allra erlendu einstaklinganna, sem ættlausir hér í landi.  Við höfum engan áhuga á ættum annarra manna ef þeir koma erlendis frá, og þá sérstaklega utan Skandinaviu, nema hægt sé að fiska upp eitthvað skjaldarmerki þaðan.  Ekki er nú samt nóg að gagnrýna bara, en ég er einhvern  veginn á þeirri skoðun að íslenskukennslunni sé ábótavant, segi ekki meir um þetta í dag, en hef samt í fórum mínum kennslugögn í þeim efnum, og er ég alveg hissa.  Þá er eins og svo oft ekki nógu mikil fjárveiting til grunnskólanna til þessarar sérkennslu sem Íslenskan er.

Unglingum af erlendum uppruna líður verr

vIÐ VIÐJUM EKKI ÞYKJUSTUVERULEIKA

   Sæll Halldór, ég verð að segja eins og er, en ég vildi óska að þú gerðir þér grein fyrir því að það eru ekki allir sem gera sér grein fyrir þvi hvað er að fara á húsgang. Grein þín í Morgunblaði morgunblaðsins á morgunn er frekar hrokafull, og ekki er hún til yngri kynslóðarinnar beint, allavega skilur yngri kynslóðin hana illa að mínu mati.  Veit unga kynslóðin hvað er að fara á húsgang????.Góða skilgreiningu kemur þú með en, það eru bara engir sem botna í henni nema við, jafnaldrar okkar þú og ég.!!!!Hver  veit hverjir eru t.d. Skúli Thoroddsen og Theodora ?? dream of it" in my dead life, not me!!! Þrítugur maður veit alls ekki hver Skúli var, hvað þá Theodora, eða Rögnvaldur Ólafsson, því miður, það verðum við að kenna betur í Menntaskólunum.

   Við höfum ekki einu sinni upplýst þau um hvað er Herkastali, eða Skjaldbreið, við getum þar af leiðandi ekki sagt þeim hvað við eigum að vernda og ekki vernda.  Ég skil það vel að þú hafir ekki séð börn eða líf í bakgörðum Laugavegar í seinni tíma göngutúrum þínum á þeirri góðu götu, vegna þess,!!!!!! að það má kveikja í þeim gömlu skúrum sem þar eru, og það strax, þessir skúrar eru bara óskaplegir hrófatildur eins og það hét á mínum bæ.  Auðvitað spekulerum við í þessu. Og "Hvenær rífum við hús og ekki hús!!!"Þetta er mjög smart, fer ekki nánar útí það. Að þykja vænt um hús er tilfinningamál hvers og eins og þér þykir vænt um húsin á Laugaveg 4 og 6, það er bara ekki málið hvort manni þykir vænt um hitt og þetta þegar maður er þingmaður, hvort brenna á þessa skúra eða ekki vona ég að tilfinningar ráði ekki þar um. Vitnað er í Stefán Þorláksson, er það einhver maður sem hinn almenni borgari eins og ég veit hver er? Hef ekki hugmynd þó gömul sé.. Hvort þú ekur upp eða niður Suðurgötu kemur mér ekki við, alls ekki, ég vona bara að skynsemin ráði í verndun húsa í Reykjavík, og sérstaklega á Laugaveginum, ekki vegna einhverra tilfinninga heldur vegna menningararfleifðar sem við verðum að halda í, hvernig sem við förum að því.!!!!!!!!

   En umfram allt, verndum það vel sem við viljum vernda, vegna barnabarna okkar, það er bara ekkert flóknara en það.

McCains og Clinton...

   Það besta sem gæti hent Bandaríkjamenn er að Hillary Clinton yrði næsti forseti Bandaríkjanna, það er það eina sem snúið gæti við stefnu þeirra í bæði innanríkis- og utanríkismálum.

Skoðanakannanir staðfesta breytta stöðu McCains og Clinton

Helgi steinninn...

   Er semsagt ekki fundinn enn, af mér allavega, og ég held að ég kæri mig bara ekkert um að finna hann, allavega ef þetta er einhver steinn sem ég finn bara allt í einu, án aðstoðar annara, eða samveru, eða nálægð einhvers annars.  Sá steinn er í augum mínum, grágrýti, með allri virðingu fyrir því grjóti, einhver dæld verður að vera í honum, til að hægt sé að sitja þar, því það hlýtur að þurfa að sitja á honum til frambúðar.  Sá steinn er ekki hreyfanlegur, þetta er frambúðarsteinn, ekkert annað, en hvenær vill maður fara í þennan fasta frambúðarstein, þar sem maður situr með hendur í skauti sér og hugsar?? Er þá ekki stutt í að vera eins og álfur útúr hól? Eða hvernig sem þetta er nú allt saman, með yndislegu orðatiltækin okkar.

   "Á ekki bara að fara minnka við sig???" sagði fertugi nágranninn minn við mig þegar ég var að reyta arfa í beðinu sem snýr að götunni s.l. sumar.  Ég fann hvernig hárin risu á handleggjunum, og hugsaði að ekki væri þetta einleikið með þetta unga fólk, maður má bara ekki eiga afmæli án þess að endalaust sé tuðast á þessu við mann. Ég slapp við að vera með skæting, en sagði samt að ef eitthvað væri þá væri ég að hugsa um að stækka við mig, sem var auðvitað ekkert sérstaklega sniðugt svar, en skömminni til skárra en að segja "Er ekki í lagi með þig??"

   Svei mér þá ef ég þori að halda uppá afmælið mitt næsta sumar, ég er svo hrædd um að hann spyrji mig hvort ég sé búin að fara í vistunarmatið...........

Helgur steinn ??

   Undanfarin ár hefi ég verið að reyna að rekast á þennan margumtalaða stein, ég hefi ekki leitað að honum, en svona hálft í hvoru verið að vonast til að rekast á hann, ég hefi ekki rekist á hann ennþá kannske vegna þess að ég reyni auðvitað eins og hver annar að vera ekki að hrasa um stein,það er svo óþægilegt, ég tala nú ekki um ef sú hrösun verði mér að falli.  En mér finnst þetta orðatiltæki ekkert sérstaklega passa inn í okkar mynd, eldri borgara í dag, nema ef vera skyldi, að maður skipuleggur sjálfur sinn tíma. Það er semsagt ekki annar stjórnandi en maður sjálfur og samviska manns.

   Það er afar góður kostur, og skemmtilegt, að ég tali nú ekki um t.d. mig, sem alltaf hefi látið ílla að stjórn. Þessi leit hefur tekið 5 ár, og er ég farin að halda að hann sé til dæmis á Kanaríeyjum, og er nú á síðum ferðaskrifstofa, ég get nátturulega ekkert verið að halda um hlutina, þar sem ég hefi ekkert verið fyrir að halda þetta og halda hitt.  En í nóvember komst ég að því að nú yrði fjárfest í dagatali "með plássi", þetta sem ég hafði notað 2007 og annað alvegeins 2006, dugðu ekki, mér var bent á af góðum manni í fjölsk., að ég yrði bara að smækka skriftina, sá maður er ekki farinn að nota margskipt gleraugu, og þarf ekki að stilla sig af við hinar ýmsu fjarlægðir.  Stærð skriftar sem hann benti á er ólæsileg skrift.

   Ég var ekkert að þrátta við hann, en fékk svo dagatal gefið frá Noregi, akkurat fyrir 60 ára og eldri, "Heitir það ekki það??", en plássið er enn of lítið, en fullt af dásamlegum myndum, meira að segja af mér, en  þær eru ekki nærmyndir, svo þetta er ekki alveg ónýtt.

 'Eg fór því í bankann, sem hafði nú látið sér nægja að senda mér ómerkilegt borðdagatal, sem ég finn aldrei hvað sem ég reyni að taka til á skrifborðinu mínu.  Sagði við gjaldkerann að ég vildi Dagbók takk! Hvað segirðu, dagbók? sagði hún, já dagbók, svona stóra, borðdagbók, og ég var farin að sýna töluverða festu, mig langaði mest til að segja eða jafnvel kalla "Skiliru þetekki, era biðja hér um dagbók, hefru aldreieyrtta mannaskja, hvaretaað þér?" ég gerði það ekki, enda á hún að kannast við mig, það er svo mikið af 60ára og eldri í bankanum mínum.  En ég fékk þessa líka fínu dagbók, með gylltum stöfum og gylltu á hornunum, það var eins gott miðað við þessa viku sem er að taka enda......