AÐVENTA

Aðventa Jóhönnu, dund í bakstri.                                                                                                                          

KYRRSTAÐA. 

 

 

 

 

 

 

 

 

Flestir vilja hafa snjó í desember, og birtan hefur verið stórkostleg í snjónum, það er auðfundið þegar að hlánar. Þessvegna fara til dæmis Grænlendingar og þau lönd sem eru að mestu umlukin jökli, betur í gegnum skammdegið, en við sem búum við auða jörð í skamdeginu.   Ég var að aka um 2200 í kvöld, og myrkrið í kvöld er ótrulega mikið, ég hélt það væri meira þar sem gróður er mikill, en svei mér þá það var ekkert betra inni í bæ, þrátt fyrir rafmagnið.   En svona er þetta, flest höfum við haft val þess efnis að vera eða fara, og ýmist verið eða farið, flest komið  þó til baka.

Meira að segja Portugalska barnabarnið mitt, segir að það sé Jólalegra í snjónum. Myndir Jólakorta frá vetrum, eins og gefur að skilja, þó helmingur heims búi við snjóleysi á þessum tíma. Það getur svo margt valdið þessari sterku ímynd, gaman væri að pæla í því. Engar röksemdir eru líklega til, en napurt er á Betlehemsvöllum um þetta leiti, frakkaveður í Betlehem, ekki svo ýkja kalt, veggir skýla vindum, og þjappa er af fólki vegna skraásetningarinnar.

Betlehemstjarnan sem talin er hafa vísað fjölskyldunni til Betlehem hefur verið skær, þar sem að öllum líkindum hefur verið magnaðri vegna kuldans á völlunum.

Á þessum tíma fyrir öllum þessum árum, var Jósep að leita að gistirými fyrir sig og konu sína. Það var allt upppantað, Betlehem var ekkert stór borg, og engan veginn nógu stór fyrir allt fólkið sem bar skylda til að skrásetja sig í þeirri borg.  Eins og vitað er gátu þau verið í fjárhúsi, og ekki er það talið vera fyrir illvilja Betlehemsbúa að ekki var gistihúspláss, borgin hafði hreinlega ekki gistirými.  Löngum hefur þótt gott að gista í hlöðunum á Íslandi, þó ég hafi aldrei verið fyrir það, líklegast hefur einhverntíma fæðst barn í Íslenskri hlöðu. Að öllum líkindum hefði verið fleira fólk við þessa fæðingu ef þau hefðu fengið inni á gistihúsi, og víst er að þau voru mikið ein, í þessari athöfn, það er við fæðingu barns, sem átti eftir að marka stór spor í heimssögunni.   Kannske hefðum við öll viljað að það hefði verið allt stærra í sniðum umhverfið,við fæðingu Jesú, og þó ekki væri nema það, sem við hefðum viljað svo gjarnan, þá erum við öll að viðurkenna hann sem mikið atriði í lífi okkar, annars væri okkur sama, við hvaða kringumstæður hann fæddist.

 

Athugasemdir

[Erna Hákonardóttir Pomrenke, 23.12.2008 kl. 04:11]

Ekki mikil von á "jólasnjó" hjá mér en aftur á móti er allt á kafi hjá honum Stefáni mínum í Mineapolis. Jörðin er vissulega falleg þakin snjó ábreiðu og við tölum um hvað það sé "jólalegt". Samt efast ég um að Betlehem hafi séð marga snjódaga.

[Guðný Anna Arnþórsdóttir, 25.12.2008 kl. 17:09]