´MEIRA FRÁ HALLGRÍMI.........................

   Bls.61

   Ég er nett búinn á því. Ég finn hvernig áfengið leitar uppi þotuþreytuna og magnar hana upp. Dísus. hvað ætli vinir mínir góðu gestgjafar séu að bralla núna? Þau hljóta að vera mætt á sjónvarpsskjáinn.  Goodmoondoor hringdi aldrei. Ég ætla rétt að vona að amerisku sendiráðsfíflin hafi ekki náð að skjáfesta fésið á mér. Það hangir örugglega plakat af mér í öðru hverju herbergi þarna. Ég drap "þeirra ´mann". Reyndar á ég 67 krossa í bandarískum kirkjugörðum, þannig að ekki skortir þá ástæðu til að skella mér í götuna.  En auðvitað voru þessir 67 ekki allir grænakortshafar. Sumir voru frá Talíu, sumir rússneskir, þónokkrir voru Serbar og einn var sænskur eða norskur, ef ég man rétt.  Skringilegasti hreimurinn sem ég hef skrúfað fyrir. En flestir þeirra voru ferningsfésaðir og borgarabotnaðir sykurpúðamenn. Með svo marga dauða Ameríkana í vasanum ætti ég fyrir löngu að vera orðinn heiðursfélagi í Al Qaeda-samtökunum.

   Já. Ég er á listanum yfir eftirsóttustu glæpasveinana. Já. Ég verð að muna að ég er í útlegð. Já. Ég má ekki gleyma MMS-inu. Og já.  Ég heiti David Friendly.

  Greinilega mjög þjappaður.........................

Athugasemdir

[Anna Ragna Alexandersdóttir, 6.12.2008 kl. 21:55]

Góða helgi  skilaðu kveðju til Hallgríms

[Guðný Anna Arnþórsdóttir, 8.12.2008 kl. 21:57]

Greinilega magnaður lestur ...

Heyrðu gæzkan, það vantar myndina af þér í prófílinn!!

[Sólveig Hannesdóttir, 10.12.2008 kl. 19:56]

Einhver óáran komst í myndasafnið, og þurrkuðust út myndir, alveg óforvarendis. Villi tók síðan aðra af mér, sem er töluvert ábyrgari heimild, en hún er á leiðinni, þegar ég nenni í þann gír.