VIÐSKIPTAHUGMYND HÚSBÓNDANS......

    Var ekki af lakara taginu, eiginlega til að grípa strax, allavega fór ég á flug, og ímyndunaraflið einnig.  Hann vill sækja um barleyfi, eða bjórleyfi. Ég er svosem engu nær með hverskonar leyfi það eru, en það mátti sjá spaugilegu hliðarnar á þessu bakgarðsmáli.  En uppástunga hans er, að selja bjórinn þeim sem hann eiga, svona nokkurskonar skiptiverslun, en auðvitað viljum við lágmarkslaun öldunga það er kr. 500 á tímann. En spurningin er hvort sækja þarf um leyfi, þegar sá sem ekki hefur leyfi til að skilja eftir, er leyfislaus, og svo framvegis.

   Ég sá ævagamla ósk rætast, að ég gæti loksins opnað kaffihús, það yrði auðvitað að vera útikaffihús, bæði þar sem þetta er bakdyramegin, og einnig fyrir viðskiptavinina, til að fá yl í kroppinn, áður en þeir færu út á gaddinn. Sá einnig að stofnkostnaður yrði töluverður, bæði þyrfti ég að kaupa gashitara, og bomsur.  Sæti fengi ég í Góða Hirðinum, og ég var tilbúin með nafnið, en ég gef það ekki upp strax, þetta er jú viðskiptahugmynd, sem maður auðvitað heldur leyndri, þar til síðar.

   Ég sá einnig að ég gæti notað kjallaragluggann, og verið sjálf fyrir innan, og afgreitt útum gluggann, þeas ef ekki væru til nægar bomsur.  Ég gæti einnig afgreitt útum gluggann þó hann mundi brotna, eins og kaupmaðurinn nálægt mér, sem afgreiddi út um brotna gluggann sinn, þegar gaskútarnir srpungu í ISAGA og rúður einnig í hverfinu, og búðinni hans.

   Ég sá einnig að ekkert gerði til þó gluggarnir væru smáopnir, það væri hvort eð er búið að stela því sem eitthvað var varið í, og fjarlægja sumt.

   Ég eygði ennfremur salernisaðstöðu, en hef ekki ákveðið neitt ennþá.

   Þetta er semsagt í nefnd..........................................

Athugasemdir

[Þórarinn Þ Gíslason (IP-tala skráð) 6.9.2008 kl. 21:57]

Sæl Sólveig.

Fyrst fæðist hugmynd,síðan er tekin ákvörðun og svo er framkvæmt,

allveg í öfugri röð við Landsvirkjun.

Takk fyrir skemmtilega færslu.

[Guðný Anna Arnþórsdóttir, 7.9.2008 kl. 14:41]

Ég verð pottþétt einn af fyrstu viðskiptavinunum, ef ekki sá alfyrsti. Þetta líst mér afskaplega, óheyrilega, gasalega og feykilega vel á. Bíð spennt eftir þróun næstu vikna (daga...?).  Buisenssvitið verður að fá að blómstra áður en lengra er haldið ...

[Anna Ragna Alexandersdóttir, 8.9.2008 kl. 09:14]

Buisenss : orðið þýðir áhætta erum við ekki alltaf að taka áhættu í lífinu.

Takk fyrir  

[Sólveig Hannesdóttir, 9.9.2008 kl. 14:13]

Ég er ekkert svo viss um að ég vilji mikið afviðskiptavinum, en það mátti sjá þessa hlið, ég vona að allir sjái hana einnig, það er ekki þessa dramatísku.

En við höldum áfram að safna lager

[Guðný Anna Arnþórsdóttir, 9.9.2008 kl. 21:25]

Þetta átti náttúrulega að vera business-vit, en þú skilur hvad man mener. Hvusslax, ætlarðu ekki að taka á móti góðum viðskiptavinum? Nú er bleik mínum brugðið. Love from me to you. (Ég elska bæði erlendar klisjur og broskalla.... - or not....)