ÚTRÝMINGARBÚÐIR ........

   Við hér í Hlégerði höfum haft gífurlega mikið að gera í útrýmingum á óæskilegum stofni skepna, þe geitungum. Við höfum notað ýmsar aðferðir, sem eru misjafnlega vinsælar meðal fjölskyldunnar.

Ég hefi mest hallast að því að beita áfengi, og talið það best allra útrýmingaraðferða, þar sem geitungar eru með eindæmum miklar fyllibyttur, af guðsnáð, eins og sagt er á stundum. Ég átti tildæmis Grand Marníer á stofuskápnum sem hafði staðið þar lengi, þeas afgangur sem ég hafði ekki notað. Beitti ég þessum vökva með miklum tilfæringum fyrir viku, og veiddi ég ógrynni í dolluna. Þetta er ekki mjög vinsæl aðferð hjá rest fjölskyldunnar að eyða svona góðum vökva, en alltaf má deila um það.

Spúsi minn hefur aftur á móti notað málgagnið Morgunblaðið, lesið skal fram tekið, og mikið lesið. Hefur hann slegið um sig með miklum hamagangi og var bitinn í dag í baráttunni við stóran geitung sem komið hafði auga á að tími hans, var að renna út, þe geitungsins. Ég hefi verið að reyna að segja spúsa mínum að hann verði að lesa geitungana, sálfræðilega og af innsæi. Það á nú ekki alveg uppá pallborðið á mínu heimili, þeas svona skilgreiningar á skepnum. Í kvöld liggja 6 í valnum, aðeins einn var drepinn af húsbóndanum, hinir 5 voru beittir mjög illvígum aðferðum, þe látnir deyja hægum dauða með ýmsum aðferðum húsmóðurinnar. Ég notaði bjór og hunang utandyra, og eru miklar umræður búnar að vera um það.  Innandyra notaði ég að vefja þá inní þær gardínur sem þeir voru að flangsa utan í. Það tókst.  Það sem er merkilegt við þessar skepnur er að þeir muna heil ósköp, þar sem þeir áttu einu sinni bú, leita þeir alltaf aftur.

Spúsi minn og Baldvin kveiktu í holubúi fyrir 5 dögum með mikilli viðhöfn. Ég veit ekki hvor þeirra hafði meira gaman af þó 66 ára aldursmunur sé á þeim, stundum er það bara þannig.

Athugasemdir

[krossgata, 25.8.2007 kl. 23:53]

Hársprey, extra strong hold.  Spreyja ríkulega á eintakið sem á að útrýma.  Eintakið stífnar á nokkrum sekúndum og dettur niður.  Þá má setja eins og einn dropa af brensluspritti við broddinn eða bara á kvikindið og hann drepst.  Síðan má sturta kvikindinu niður eða henda í ruslið, allt eftir smekk.

[Sólveig Hannesdóttir, 26.8.2007 kl. 11:19]

Takk fyrir þetta, ég hefi notað þetta líka, en það kostar svo gífurlega mikla hreingerningu á gluggum eftir á, er með hárlakkið við hendina.

[Sólveig Hannesdóttir, 26.8.2007 kl. 11:52]

Enginn nefnir Viagra, nota nauðgarar það ekki þegar þeir ætla sér þetta?  Ég trúi því að svo sé. Það væri spennandi að vita hvort þeir eru yfirheyrðir með það, ef þeir nást.