Menningardagur, menningarnótt.

Nú er enn einn gleðidagurinn í Reykjavík, sem segir okkur hversu ánægð við erum með okkur hér á Íslandi, það er svo gott, og skemmtilegt. Það gerir ekkert til þó við ergjum okkur svo yfir hinu og þessu eftir helgina, það er bara þannig. Hneykslumst í blogginu, og í blöðunum. Svona gengur þetta bara, fréttirnar eftir hátíðirnar okkar eru óðum að minnka.

   Tilefni þessarar helgar er stórt.  Enn er genginn Laugavegurinn, sem er ómissandi vegur til allra okkar hátíðahalda. Það segir okkur það að við verðum að vanda okkur við breytingarnar á Laugaveginum, og það strax. Við eigum þar mörg vönduð hús sem ekki verða endurvakin byggingarlega séð.   Við erum líka með marga gamla hjalla bakvið, sem endur fyrir löngu voru notuð til skepnuhalda, viðgerða, og matargeymslur.  Burt með það áður en kviknar í þeim.

   Vöndum okkur við val á arkitektum Laugarvegar. Ég óska öllum þeim sem ætla að taka þátt í menningargöngunni, þar á meðal börnum mínum tengdabörnum og barnabörnum. góðrar skemmtunar. Þetta er að verða stanzlaust stuð í henni Reykjavík í ágúst.        Mig langar ennfremur að benda á að Kirkjuhúsið verður opið frá 1300, þar verður m.a. boðið uppá kaffi, einhver ætlar að syngja fyrir okkur, og við verðum með kapellu opna fyrir þá sem kæra sig um. 

   Góða skemmtun. 

Athugasemdir

[Guðný Anna Arnþórsdóttir, 17.8.2007 kl. 06:56]

Gaman að heyra að það verður hægt að hitta þig í Kirkjuhúsinu. Læt það ekki fram hjá mér fara, ef ég verð á ferðinni á "réttum" tíma. Sammála þér með val á arkitektum; það þarf sko sannarlega að vanda valið. Menningarnótt er orðin einn af föstu punktunum í tilverunni.